әнглийә: түркийәниң мурәссә қилиш тиришчанлиқиға йуқири баһа беримиз
әнглийә ташқи ишлар министири җамес клеверлий, дөлитиниң, түркийәниң украина билән русийәни мурәссә қилиш тиришчанлиқиға йуқири баһа беридиғанлиқини ейтти.
түркийә авази радийоси хәвири: әнглийә ташқи ишлар министири җеймс клеврей, бирләшкән дөләтләр тәшкилати (б д т) омумий кеңишиниң 77-нөвәтлик башлиқлар йиғиниға иштирак қилиш үчүн барған американиң нйуйорк шәһридә анадолу агентлиқи мухбириниң соаллириға җаваб бәрди.
у, түркийәниң 24-февралдин буйан уруш қиливатқан украина билән русийәни мурәссә қилиш тиришчанлиқиға баһа берип: «биз түркийәниң (украина ашлиқини) қара деңиз арқилиқ експорт қилиш келишимигә даир сөһбәтләрдә ойниған роли вә монтрө әһдинамисини қоғдаш йолидики хизмәтлиригә наһайити йуқири дәриҗидә баһа беримиз. әмма ахирида (урушни ахирлаштуруш) русийәниң мәсулийити... түркийә вә башқа дөләтләрниң төһписи биз үчүн қиммәтлик» деди.
русийә президенти виладимир путинниң украинаниң шәрқидики бесивалған бәзи җайлардин айрилип қалғандин кейин елан қилған сәпәрвәрлик чақириқи тоғрисида тохтилип: «сәпәрвәрлик хитабнамиси урушниң (путинға нисбәтән) пиландикидәк болмиғанлиқини көрситип бәрди» деди.
