baydin nutuqida rusiye we xitayni tenqid qildi

türkiye awazi radiyosi xewiri: amérika pirézidénti jo baydin niyu yorkta dawamlishiwatqan 77-qétimliq b d t omumiy kéngesh yighinigha qatnashti we söz qildi.

u nutuqining béshida 24-féwraldin (2022) buyan dawamlishiwatqan ukraina-rusiye urushi toxtilip: «b d t xewpsizlik kéngishining daimiy ezasi rusiye, qoshnisigha tajawuz qilip, igilik hoquqluq bir döleti xeritidin öchürmekchi boldi» dédi.

u rusiye pirézidénti wladimir putinning tünügün (2022-yili 21-séntebir) yadro qorali toghrisida élan qilghan bayanati üstide: «putin yadro qorallirining kéngiyishining aldini élish kélishimi ramkisidiki mesuliyetlirini perwasizlarche nezerdin saqit qilip, yawropagha yadro tehditi saldi» dédi.

u iranning yadro qoraligha ige bolmasliqi üchün qolidin kélishiche tirishchanliq körsitidighanliqini tekitlidi.

u: «xitay héchqandaq ochuq-ashkara bolmay turup, ilgiri körülüp baqmighan sewiyede we kishini chöchütidighan derijide yadro qorallinish yoligha mangdi» dédi.

aqsaray dölet xewpsizlik kéngishi istratégiyelik uchur-alaqe kordinatori jon kirbi rusiye pirézidénti wladimir putinning yadro qorali ishlitish toghrisidiki bayanatigha «estayidil muamile qilidighanliqlirini» we rusiyening yadro orunlashturushini yéqindin közitidighanliqlirini éytti.

rusiye pirézidénti putin tünügün dölet qanallirida tarqitilghan nutuqida özining qismen seperwerlik élan qilghanliqini jakarlap, yadro qorallirigha ishare qilip, zörür tépilghanda, qolliridin kélidighan barliq iqtidarlardin paydilinishta ikkilenmeydighanliqlirini bildürgen idi.