ئۇكرائىنانىڭ زاپورىجيا يادرو ئېلېكتر ئىستانسىسىدا ئاكتىپ ھالدىكى ئەڭ ئاخىرقى رېئاكتور توختىتىلدى

تۈركىيە ئاۋازى رادىيوسى خەۋىرى: باياناتتا، ئېلېكتر ئىستانسىسىنىڭ ئۇكرائىنا تورى بىلەن بولغان بىر ئۇلىنىشىنىڭ 11-سېنتەبىر كەچتە قايتا ئەسلىگە كەلگەنلىكى ئەسكەرتىلىپ، «شۇنىڭ بىلەن ئىستانسىسىنى ئېلېكتىر بىلەن تەمىنلىگىلى بولدى ھەمدە ئېلېكتر ئىستانسىسىنىڭ ئاكتىپ ھالدىكى بىردىنبىر رېئاكتورنىڭ مەشغۇلاتىنى توختىتىپ، ئۇنى ئەڭ بىخەتەر <سوغۇق توختاش> ھالىتىگە كەلتۈرۈش قارار قىلىندى» دېيىلدى.

ئۇكرائىنانىڭ شەرقىي جەنۇبىدىكى زاپوروجيا يادرو ئېلېكتر ئىستانسىسى ياۋروپا بويىچە ئەڭ چوڭ يادرو ئېلېكتر ئىستانسىسى ھېسابلىنىدۇ.  6 يادرو رېئاكتورى ۋە 5700 مېگاۋات سائەتلىك توك ئىشلەپچىقىرىش ئىقتىدارىغا ئىگە بۇ ئېلېكتر ئىستانسىسى، ئۇكرائىنانىڭ ئومۇمىي توك ئېھتىياجىنىڭ 20 پىرسەنتىنى قامدايدۇ.

ئېلېكتر ئىستانسىسى 4 - مارتتا رۇسىيەنىڭ ئالقىنىغا ئۆتۈپ كەتكەن ئىدى. ھازىرمۇ رۇسىيە ئارمىيىەسىنىڭ كونتروللۇقىدا تۇرىۋاتقان ئېلېكتر ئىستانسىسىنىڭ ئەتراپىدا زەمبىرەك ھۇجۇملىرى يۈز بېرىپ كەلمەكتە. ئۇكرائىنا بىلەن رۇسىيە بۇ ھۇجۇملار ھەققىدە بىر-بىرىنى ئەيىبلەپ كەلمەكتە.

رۇسىيە قىسىملىرى 24-فېۋرالدا ئۇكرائىناغا ھۇجۇم باشلىغان ئىدى.