украинадин 1 милйон тоннидин артуқ ашлиқ йөткәлгән
ақсарай дөләт хәвпсизлик кеңиши истратегийәлик учур-алақә директори кирби, түркийә, русийә, украина вә б д т оттурисида имзаланған ашлиқ каридори келишиминиң әмәлдин қалдурулидиғанлиқиға мунасивәтлик һечқандақ аламәтниң йоқлуқини ейтти.
1877884
түркийә авази радийоси хәвири: америка ақсарай дөләт хәвпсизлик кеңиши истратегийәлик учур-алақә директори җон кирби зумда (Zoom) ақсарай мухбирлириниң соаллириға җаваб бәрди.
у түркийә җумһур рәиси рәҗәп таййип әрдоғанниң русийә пирезиденти путинниң ашлиқ йөткәштә тоғра қилғанлиқи вә ашлиқниң кәмбәғәл дөләтләргә әмәс, бәлки бай дөләтләргә кәткәнлики тоғрисидики байанатиға мунасивәтлик соалға җаваб бәргәндә, түркийә мурәссәчилик қилған мәзкур келишимниң, пүткүл дунйаниң еһтийаҗлиқ болға йемәк-ичмәк вә оғутни дунйа базириға сунғанлиқини билдүрди.
у келишим иҗра қилинғандин буйан 1 милйон тоннидин артуқ ашлиқ вә уруқниң украинадин дунйа базириға киргәнликини әскәртти.
у мундақ деди:
«бәзи йемәкликләрниң базарға киришкә техиму узун вақит кетиду. дунйа йемәклик пирограммиси йәмән вә африқа мүңгүзигә тарқитиш үчүн икки парахотқа қачиланған йемәкликни сетивалди. америка буни әмәлгә ашуруш үчүн дунйа йемәклик пирограммисиға 68 милйон доллар бәрди. биз бу келишимниң муһимлиқиға ишинимиз. биз аллибурун келишимниң тәсирлирини көрүшкә башлидуқ.»
у бир мухбирниң «сизниңчә бу келишим бузуламду?» дегән соалиға:
«биз бу келишимниң әмәлдин қалдурулидиғанлиқиға мунасивәтлик һечқандақ аламәтни көрмидуқ. әксичә, биз шериклиримиз вә иттипақдашлиримиз билән һәмкарлишип, келишимниң мувәппәқийәтлик давамлишиши үчүн тиришимиз» дәп җаваб бәрди.
