girétsiye xewerler munbiri «Newsbomb» girétsiyeni aqlaymen dep rezil boldi
girétsiye xewerler munbiri «Newsbomb» teripidin «türkiyening eyiblishige reddiye bérish» üchün élan qilinghan süretlerde, lawriyon lagérining bölgünchi térrorluq teshkilati p k k ning paydiliniwatqanliqi éniq ashkarilandi.
türkiye awazi radiyosi xewiri: girétsiye xewerler munbiri «Newsbomb» ning xewiride, lawriyon lagérining «p k k ning terbiyelesh uwisi emesliki» otturigha qoyulghan bolsimu, emma lagérning ichidin tartilghan süretlerde, bölgünchi térrorluq teshkilati p k k ning simwolliri we térrorluq teshkilati kattibéshi abdulla öjalan bilen wiyan soran we sakine janziz qatarliq teshkilat ezalirining resimining barliqi körüldi.
xewerde, lagérda yashaydighan ayallar we balilarning kündilik turmushi eks etturulgen süretler chaplanghan tamda, p k k térrorchisi qasim enginning «shéhit» déyilishi diqqet tartti.
mikrofon tenglengen p k k ezalirining türkiyeni eyibligen sözlirige alahide orun bérilgen xewerde yene, lagérning p k k ezaliri üchün teyyarlanghan turmush sharaitliri, p k k bayriqi we térrorchilarning süretliri bilen tolghanliqimu diqqettin qachmidi.
térrorluq teshkilati kattbéshining chongaytilghan resimi aldida élip bérilghan söhbette, «lagérda térrorluq teshkilati kattibéshi öjalanning resimi we p k k simwollirining bolghanliqidin hergizmu <bu yer p k k ning lagéri> dégen mene chiqmaydu» dégen xulase ilgiri sürüldi.
مۇناسىۋەتلىك خەۋەرلەر
xitaydiki quyun apitide 5 xitay ölüp, 33 i yarilandi
xitayning jenubida yüz bergen quyun apiti sewebidin 5 xitay ölüp, 33 i yarilandi.