хитайниң чеңду шәһири тақалди

түркийә авази радийоси хәвири:сичүәнниң чеңду шәһириниң вухән вируси сәвәбидин тақалғанлиқи билдүрүлди.

чеңду шәһири гуаңдоң өлкисидики шенҗен шәһиридин кейин, мушу һәптә ичидә карантин астиға елинған иккинчи чоң шәһәр болуп қалди.

чеңду шәһәрлик һөкүмәтниң бу һәқтики байанатида, 21 милйон нопуслуқ шәһәрдә түнүгүн (2022-йили 1-сентәбир) кәчтин башлап кочиға чиқишниң чәкләнгәнлики вә төт күн бойичә коллектип тәкшүрүшләрниң қилинидиғанлиқи әскәртилди.

пуқраларниң тәкшүрүштин башқа вақитларда сиртқа чиқмаслиқ тәләп қилинди, һәр бир аилидин бир кишиниң күндилик турмуш еһтийаҗи үчүн рухсәт қилинидиғанлиқи қәйт қилинди.

шәһәрдә күндилик турмуш еһтийаҗини қамдайдиған талла базарлири, дориханилар вә топ тарқитиш ширкәтлиридин башқа, барлиқ кархана-ширкәтләр вақитлиқ тақалди, ресторан вә ашханиларниң закастин башқа тәләпләр үчүн мулазимәт қилиши мәни қилинди.

йолға қойулған тәдбирләр сәвәбидин 1-сентәбирдә 2022-2023-йиллиқ оқу-отушни башлимақчи болған мәктәпләрниң ечилиши кечиктүрүлди. шәһәргә кириш-чиқишларға чәклимә қойулди, икки айродурумниң 1000 ға йеқин айропилан сәпири әмәлдин қалдурулди.