ئامېرىكا سۈرىيەدە ئىران قوللاۋاتقان قوراللىق گۇرۇپپىلارغا ھۇجۇم قىلدى
ئامېرىكا سۈرىيەنىڭ شەرقىدىكى ئىران قوللاۋاتقان قوراللىق گۇرۇپپىلارغا ھاۋادىن ھۇجۇم قىلدى.
1871713
![ئامېرىكا سۈرىيەدە ئىران قوللاۋاتقان قوراللىق گۇرۇپپىلارغا ھۇجۇم قىلدى](http://cdn.trt.net.tr/images/xlarge/rectangle/b5f6/01a2/7c59/6305d774078a6.jpg?time=1718728040)
تۈركىيە ئاۋازى رادىيوسى خەۋىرى: ئامېرىكا مەركىزى قوماندانلىق ئورگىنىنىڭ بايانات ئېلان قىلىپ، پىرېزىدېنت جو بايدىننىڭ بۇيرۇقىغا ئاساسەن، ئامېرىكا ھەربىي قىسىملىرى بۈگۈن سۈرىيەنىڭ دېيرىز زۇر شەھىرىدە ھاۋا ھۇجۇمى ئېلىپ بېرىلغانلىقىنى بىلدۈردى.
باياناتتا، ھاۋا ھۇجۇمىنىڭ 15-ئاۋغۇستتا (2022) ئىراننىڭ قوللىشى ئاستىدىكى گۇرۇپپىلارنىڭ رايوندا ئامېرىكا خادىملىرىغا قىلغان ھۇجۇملىرىغا ئوخشاش ھۇجۇملاردىن ئامېرىكا ئارمىيەسىنى قوغداشنى مەقسەت قىلدىغانلىقى بىلدۈرۈلدى.
باياناتتا، ئىران ئىنقىلابىي مۇھاپىزەت قىسىملىرىغا چېتىشلىق گۇرۇپپىلار پايدىلىنىۋاتقان ئۇل- ئەسلىھەلەرنىڭ ھۇجۇم نىشانى قىلىنغانلىقى ئەسكەرتىلدى، ئەمما ھاۋا ھۇجۇمىدا ئادەم ئۆلۈش ياكى يارىلىنىش ئەھۋالىنىڭ بولغان-بولمىغانلىقى ھەققىدە ھېچقانداق مەلۇمات بېرىلمىدى.