русийәниң атақлиқ сийасий мутәхәссиси қизиға украинаниң суйиқәст қилғанлиқини ейтти
русийәниң атақлиқ сийасий мутәхәссиси александир дугин қизи дарйа дугина бомба һуҗумида қаза қилғандин кейин тунҗи қетим байанат елан қилип, «бундақ чидиғусиз зәрбә бизни вә хәлқимизни игәлмәйду» деди.
түркийә авази радийоси хәвири: русийәниң атақлиқ сийасий мутәхәссиси александир дугинниң йеқин дости константин малофеф унң йазма байанатини иҗтимаий алақә торида елан қилди.
александир дугин һуҗумға қарита украинани әйибләп, «һәммизгә мәлумки, натсист украина һакимийити тәрипидин қилинған террорлуқ һуҗуми нәтиҗисидә, қизим дарйа дугина москваға йеқин җайдики «әнәнә» дәп атилидиған фестивалдин қайтишида, 20 - авғустта партилашта рәһимсизләрчә өлтүрүлди» деди.
дугин қизи дарйа дугинаниң русийә дүшмәнлири тәрипидин мәхпий өлтүрүлгәнликини билдүрүп, «бундақ чидиғусиз зәрбә бизни вә хәлқимизни игәлмәйду. улар бизниң әң йахшилиримизға вә әң аҗизлиримизға қарши қанлиқ террорлуқ һуҗуми қилиш арқилиқ ирадимизни әгмәкчи болди. буни һәргиз ишқа ашуралмайду» деди.
дугин қизиниң өлүмидин «өч елиш» нила халимайдиғанлиқини тәкитләп, « қәлбимиз өч елиштинму йаки тегишлик җаваб қайтуруштинму көпрәкини тәләп қилиду. бизниң пәқәт ғәлибигә еһтийаҗимиз бар» деди.
александир дугин қизи дарйа дугина үчүн бүгүн дәпнә мурасими өткүзүлидиғанлиқи һәққидә учур һәмбәһирлиди.
