русийә дугина суйиқәстиниң пәрдә арқисида украинаниң барлиқини илгири сүрди
русийә, сийасий мутәхәссис, җәмийәтшунас вә пәйласоп александир дугинниң қизи дарйа дугинаниң пайтәхт москвада йүз бәргән бомба һуҗумида өлтүрүлүшиниң арқисида украина алаһидә хадимлириниң барлиқиниң ениқланғанлиқини уқтурди.
түркийә авази радийоси хәвири: шәнбә күни кәчтә русийә пирезиденти виладимир путин билән мунасивитиниң йеқинлиқи билән тонулған дугинниң 30 йашлиқ қизи дарйа дугина машинисиға орунлаштурулған бомба партлап қаза қилғаниди.
русийә таратқулириниң илгири сүрүшичә, һуҗумниң асаслиқ зәрбә нишани александир дугин иди.
русийә тәкшүрүш комитети, җинайәтниң алдин пиланланғанлиқини вә буйрутмиға асасән иҗра қилинғанлиқини елан қилғаниди.
русийә федератсийәси дөләт бихәтәрлик идариси, бомба һуҗуминиң пәрдә арқисида украина алаһидә оргининиң барлиқини уқтурди.
русийә федератсийәси дөләт бихәтәрлик идариси йәнә, дарйа дугинани қәстләп өлтүрүш пиланини өткән ай москваға берип, һуҗумдин кейин естонийәгә қечип кәткән украина пуқраси бир айал тәрипидин иҗра қилинғанлиқи тоғрисидики учурларни амма билән ортақлашти.
