ئۇكرائىنادىن يولغا چىقىشى پىلانلىنىۋاتقان ئىككى پاراخوتنىڭ سەپىرى كېچىكتۈرۈلدى

تۈركىيە ئاۋازى رادىيوسى خەۋىرى: تۈركىيە جۇمھۇرىيىتى دۆلەت مۇداپىئە مىنىستىرلىقى ئىجتىمائىي تاراتقۇدىكى ئادرېسىدا بايانات ئېلان قىلىپ: «بۈگۈن ئۇكرائىنانىڭ چورنومورسكى پورتىدىن ئاشلىق بېسىپ يولغا چىقىشى پىلانلىنىۋاتقان بىر پاراخوت، ناچار ھاۋا شارائىتى سەۋەبىدىن قوزغىلالمىدى. تۈنۈگۈن (ئىستانبۇلدا) تەكشۈرۈشتىن ئۆتكۈزۈلگەن ئىككى پاراخوت ئۇكرائىناغا قاراپ ئىلگىرىلىمەكتە. ئۇكرائىنا پورتلىرىدىكى پاراخوتلارغا ئاشلىق بېسىش خىزمەتلىرى داۋاملاشماقتا» دېگەنلەرنى قەيت قىلدى.