somalida xoléra yuqumi yuqiri pellige chiqti

türkiye awazi radiyosi xewiri: dunya sehiye teshkilati xoléra késelliki toghrisida doklat élan qildi.

doklatta, 2022-yili yanwar éyidin iyun éyighiche 8 ming 41 kishining xoléra bilen yuqumlanghaliqi we 37 kishining bu késellik sewebidin jénidin ayrilghanliqi qeyt qilindi.

doklatta, bu yil (2022) xoléra bilen yuqumlanghan kishilerning texminen %54 ning ikki yashtin kichik balilar ikenliki, %49 ning ayallar ikenliki eskertildi.

bayanatta mundaq déyildi:

«somali nopusining %52 yaxshilanghan pakize sugha yaki bixeter halda teminlengen pakize sugha érisheleydu. körülgen qurghaqchiliq sewebidin, su yétishmeslikning yuqiri pellige chiqishi bilen, kishiler su arqiliq yuqidighan késelliklerdin qoghdinish üchün küresh qilmaqta.»

somali hökümiti we dunya sehiye teshkilati ötken ay (2022-yili iyun) 4 ming 984 sehiye xizmetchisini wezipige teyinlep, 934 ming 511 kishi ichidin bir yash we uningdin yuqiri 897 ming 86 kishige waksina emlidi.