méksikada zeherlik chékimlik etkeschisi kattiwashlirining birsi qolgha chüshti
amérika zeherlik chékimlikni cheklesh idarisi teripidin aldinqi qatarda tutush buyriqi chiqirilghan zeherlik chékimlik etkeschiliri kattiwashlirining birsi méksikida qolgha élindi.
türkiye awazi radiyosi xewiri: amérika dairiliri teripidin uzun yillardin buyan jiddiy tutush xizmetliri élip bériliwatqan teshkillik jinayet guruhining rehberliridin birsi, sinaloa ishtatining choykis bazirida nazaretke élindi.
amérika zeherlik chékimlikni cheklesh idarisi teripidin tutulghan teqdirde 20 milyon dollar mukapat bérish wede qilinghan rafail karo kuintéroni méksika bixeterlik qisimliri qolgha chüshürdi.
amérikagha tapshurup bérilishi mölcherliniwatqan kuintéroning méksikida bolupmu zeherlik chékimlik etkeschiliki qatarliq nurghun jinayetler bilen sotlinishi texmin qilinmaqta.
amérikada aldinqi qatarda tutush buyriqi chiqirilghan 10 zeherlik chékimlik etkisichilirikattiwashlirining biri süpitide körsitilgen kuintéro ilgiri méksikida 40 yilliq qamaq jazasigha höküm qilinghan bolup, kéyin 2013-yili 8-ayda aliy sotining qarari bilen qoyup bérilgen idi.
