гиретсийәдә йүк айропилани чүшүп кетип, ичидики 8 хадим қаза қилди

түркийә авази радийоси хәвири: гиретсийәниң кавала шәһиригә қарашлиқ палечори районида чүшүп кәткән йүк айропиланида 8 хадим қаза қилди.

украина ширкитигә тәвә <AntonovAn-12> типлиқ йүк айропилани гиретсийәниң шималида чүшүп кәтти.

гиретсийә рәсмий хәвәр агентлиқи <AMNA> ниң хәвиригә асасланғанда, айропилан хәтәрлик бойумларни елип меңиватқан болуп, даириләр бу вәҗидин шәнбә күни кәчтә, айропилан чүшүп кәткән палахорийо районидики барлиқ от өчүрүш әтрити вә җиддий қутқузуш хадимлириниң нәқ мәйдандин йирақлишиши керәкликини тәләп қилған.

йәнә бир тәрәптин , партилатқуч мутәхәссислири айропилан елип маңған йүкниң қанчилик хәтәрлик икәнликини ениқлап, елинидиған тәдбирләрни қарарлаштуруш үчүн нәқ мәйданға қарап йолға чиқти.

учқучиниң айропиланниң маторида кашила чиққанлиқини билдүрүп җиддий қонуш рухсити тәләп қилғанлиқи, әмма айродорумға йетип келиштин бурун, маторға һавада от кәткәнлики вә айропиланниң каваладики олтурақ районға йеқин йәргә чүшүп кәткәнлики билдүрүлди.

украина ширкитигә тәвә бу айропилан сербийәдин иорданийәгә йүк тошумақта икән.

вәқәни өз көзи билән көргән шаһитларниң ейтишичә, айропилан чүшүп кәткәндин кейин нурғун партлаш авази аңлинип, от елишқа башлиған.

вәқә йүз бәргән районни көйгән йеқилғу вә қойуқ ис түтәк қаплап кәткән.

сербийә дөләт мудапиә министирлиқиниң байанатида, айропиландики 8 хадимниң һәммисиниң қаза қилғанлиқи билдүрүди.