дунйа сәһийә тәшкилати маймун чечики вирусидин йуқумланғучилар омумий санини елан қилди

түркийә авази радийоси хәвири: дунйа сәһийә тәшкилати баш дериктори доктор тедрос аданом гебрейус, тәшкилатниң һәптилик мухбирларни күтүвелиш йиғинида, 58 дөләттики 6 миңдин артуқ кишидә маймун чечики йуқуминиң байқалғанлиқини билдүрүп: «кесәлликни тәкшүрүп ениқлаш җәһәттә йәнила қийинчилиқлар бар. бәлким нурғун бимарлар рәсмий тизимға елинмиған болуши мумкин» деди.

у, йавропаниң маймун чечики йуқуминиң мәркизи болушни давамлаштуруватқанлиқини, «омумий кесәлликниң %80 иниң йавропа дөләтлиридә көрүлгәнлики»ни әскәртти.

вирусниң африқадиму тарқалғанлиқини билдүргән баш дериктор гебрийус, африқа чоң қуруқлуқиниң һазирғичә вирус пәқәт байқилип бақмиған җайлиридиму йеңи маймун чечики бимарлириниң чиқишқа башлиғанлиқиға ишарәт қилип өтти.

 у йәнә вирусниң тарқилишиниң давамлишидиғанлиқини тәкитләп: «биз җидди әһвалларға тақабил туруш комитети йиғини ечишни пиланлаватимиз. 18-ийул йаки униңдин бурун, бу комитет йәнә бир қетим йиғин чақириду» дегәнләрни сөзлиригә илавә қилди.