jonson erdoghanning xelqara ashliq kirizisini hel qilish yolidiki rehberlik roligha yuqiri baha berdi

türkiye awazi radiyosi xewiri: engliye bash wezirlik ishxanisining bir bayanatchisi, jonson bilen erdoghanning ispaniyening paytexti madridta ötküzülgen shimaliy atlantik ehdi teshkilati — nato bashliqlar yighini jeryanida ötküzgen ayrim uchrishishi toghrisida bayanat bérip, jonsonning türkiye, shiwétsiye we finlandiyening özara chüshinish hasil qilghanliqidin söyüngenlikige isharet qilghan halda, «(jonson) bizni téximu xeterlik on yil kütüwatqan bir peytte, finlandiye bilen shiwétsiyening natogha eza bolushining ittipaqni téximu kücheytidighanliqini otturigha qoydi. bash wezir jonson jumhur reis erdoghanning ukraina ashliqini (tashqi dunyagha) chiqirish yolidiki rehberlik roligha yuqiri baha berdi. u, rusiye pirézidénti wiladimir putinning ukraina portlirini qamal qilishni dawamlashturushining ukrainada we dunyada xelqarawi insaniy kirizis peyda qilghanliqini tekitlidi» dédi.

bayanatta yene, ikki rehberning engliye bilen türkiyening munasiwitini chongqurlashturush, bolupmu «téxnika we énérgiye» qatarliq sahelerdiki munasiwetni chongqurlashturush toghrisida sözleshkenliki eskertilip, «(rehberler) ikki dölet otturisidiki soda herikitining dairisini téximu kéngeytip, hem engliye hem türkiyede ishqa orunlishish pursiti yaritip, iqtisadining éshishni ilgiri sürüshke paydiliq tedbirlerni muhim orungha qoyush toghrisida chüshinish hasil qildi» dégen ibarilerge orun bérildi.