уруш башланғандин буйан 12 милйон украиналиқ өй - маканлиридин айрилип қалди
русийә-украина уруши башланған 24 - февралдин буйан 12 милйондин артуқ адәм өй - маканлиридин айрилди.
түркийә авази радийоси хәвири: бирләшкән дөләтләр тәшкилати (б д т) баш катипи байанатчиси стефан дуҗарик тәшкилатниң нйу-йорктики баш иштабида өткүзүлгән күндилик мухбирларни күтүвелиш йиғинида, «бүгүн русийәниң украинаға таҗавуз қилғиниға төт ай болди. б д т украина киризиси маслаштурғучиси әмин әввад, бу урушниң 12 милйондин артуқ украиналиқни өй – маканлиридин мәһрум қилғанлиқини, бу ишқа үзүл - кесил һәл қилиш чариси тепиш керәкликини оттуриға қойди» деди.
б д т ниң украина һөкүмити шундақла райондики 300 дин артуқ пуқрави тәшкилат билән йеқиндин һәмкарлишиватқанлиқини билдүргән дуҗарик, һазирғичә 9 милйон кишиниң һәр хил йардәмгә еришкәнликигә ишарәт қилип: «биз украинаниң шәрқий районлиридики җиддий йардәмгә моһтаҗ пуқраларға инсанпәрвәрлик йардими йәткүзүш тоғрисидики чақиримизни давамлаштуримиз» дегәнләрни қәйт қилди.
