rusiye firansiyelik diplomatni «xalanmighan adem» élan qildi
firansiye moskwa elchixanisidiki medeniyet ishliri meslihetchisining rusiye teripidin «xalanmighan adem» élan qilinghanliqini delillidi.
türkiye awazi radiyosi xewiri: firansiye tashqi ishlar ministirliqining bildürüshiche, rusiye dairiliri, firansiyening moskwa enchixanisigha, elchixana qarmiqida ishlewatqan medeniyet ishliri meslihetchisining buningdin kéyin rusiye térrotériyeside «xalanmighan adem» élan qilinghanliqini bildürgen.
bayanatta tekitlinishiche, buning üchün héchqandaq «qanuniy delil – ispat» körsitilmigen, firansiye terep bu qarargha qattiq naraziliq bildürgen.
firansiye tashqi ishlar ministiri katériné kolonnaning, ministirliqning alaqidar tarmaqliridin bu heqte melumat bérishini telep qilghanliqi eskertilgen bayanatta, firansiyening moskwa elchixanisidiki xadimining xizmitining, diplomatik we konsulxana munasiwetliri heqqidiki «wyénna ehdinamisi» dairisige kiridighanliqi otturigha qoyulghan.
firansiye taratqulirining xewer qilishiche, rusiye teripidin ijazetnamisi yéngilanmighan firansiye meslihetchisining, 17-iyulghiche chégradin ayrilishi kérek iken.
rusiye terep, mezkur diplomatning yéqinda taqiwétilgen bir fondi jemiyet we bu dölette cheklengen bir médya orginini mexpiy halette meblegh bilen teminligenlikini ilgiri sürgen.
