макрон борнениң истепасини қобул қилмиди
фирансийә пирезиденти еммануел макрон, баш министир елизабит борениң омумий сайлам ахирлашқандин кейин сунған истепа илтимасини қобул қилмиди.
1846372
түркийә авази радийоси хәвири: фирансийә мәтбуатлириниң пирезидентлиқ мәһкимисини мәнбә қилған хәвәрлиридә, макронниң борнениң «һөрмәт истепаси» ни рәт қилғанлиқи илгири сүрүлди.
6-айниң 19-күнидики иккинчи басқучлуқ чоң сайламда макрон башчилиқидики ансамбил (бирликтә) иттипақи парламентта мутләқ көп санлиққа еришәлмигәндин кейин, өктичиләрниң охшимиған әрбаблири борниниң истепа беришини тәләп қилғаниди.
әнәнә бойичә фирансийәдә һәр қетимлиқ чоң сайламдин кейин, мәвҗут баш министир пирезидентқа истепасини сунидиған болуп, бу «һөрмәт истепа»си дәпму атилиду.
бу җәрйанда, еммануел макрон бүгүн вә әтә охшимиған сийасий партийәләрниң рәһбәрлири елисе сарийида көрүшүп сайлам нәтиҗиси тоғрисида сөһбәтлишиду.
