русийә украинаниң уруш айропиланлирини етип чүшүргәнликини илгири сүрди

түркийә авази радийоси хәвири: конашенкоф, русийә армийәсиниң, русийә билән украина оттурисидики 3 айдин көпрәк вақиттин буйан давамлишиватқан уруштики  һәрикәтлири һәққидә учур берип, динпродики һәрбий айродурумда украина армийәсиниң авийатсийә әслиһәлириниң һавадин қойуп берилгән йуқири сәзгүрлүккә игә башқурулидиған бомба билән йоқитип ташланғанлиқини илгири сүрүп: «харкив районидики қорал - йарағ вә һәрбий әслиһәләрни ремонт қилидиған ишләпчиқириш орни вәйран қилинди. буниңдин башқа һавадин қойуп берилгән йуқири сәзгүрлүккә игә башқурулидиған бомбилар билән икки баш иштаб, әскәр вә һәрбий үскүниләр мәркәзләшкән 27 район, бәш зәмбирәк суписи, икки данә көп ситиволлуқ ракетамийот батарейәси, бәш оқ дора искилати йоқитип ташланди» деди.

у, русийәниң һавада тактикилиқ уруш қилиш қисимлириниң 46 һәрбий районға һуҗум қилғанлиқини тилға елип, бу һуҗумларда «150 украина милләтчи күч, алтә танка, төт зәмбирәк үскүниси вә град типлиқ икки данә көп ситиволлуқ ракетамийот» ниң йоқитилғанлиқини билдүрди вә сөзини давамлаштуруп: «русийә һава мудапиә системиси билән йеқинқи 24 – саәт ичидә харкив районида украина һава армийәсиниң Su - 25 типлиқ айропилани вә днипро районида миг  - 29 типлиқ күрәшчи айропилани етип чүшүрүлди. буниңдин башқа, бәш данә учқучисиз һава аппарати йоқитип ташланди» дегәнләрни қәйт қилди.