nato bash katipi stolténbérg gérmaniye we ruméniye ziyaretlirini emeldin qaldurdi
shimaliy atlantik ehdi teshkilati — nato bash katipi yéns stolténbérg belbaghsiman qapartma késelliki sewebidin gérmaniye we ruméniyege qaritishni pilanlawatqan ziyaritini emeldin qaldurdi.
türkiye awazi radiyosi xewiri: natoning bir emeldarining bildürüshiche, yéns stolténbérg bügünki gérmaniye we etiki ruméniye ziyaritini emeldin qaldurghan.
bir mezgil öyide turup ishleydighanliqi bildürülgen stolténbérg pilanlanghan pirogrammilargha sin körünüshlük halette qatnishidiken.
nato emeldari bash katipqa belbaghsiman qapartma dep diyagnoz qoyulghanliqini we bu késellikning kowid-19 yuqumidin kéyin körülgenlikini bildürdi.
stolténbérg bügün (2022-yili 9-iyun) bérlinda gérmaniye bash ministiri olaf sholz we dölet mudapie ministiri kristiné lambréxt bilen körüshüshni, ete (10-iyun) ruminiyede ötküzülidighan 9 – nöwetlik buxarést bashliqlar yighinigha qatnishishni pilanlimaqta idi.
stolténbérg mayning béshida kowid -19 wirusi yuqturuwalghanidi.
