п к к ирақниң духок шәһиридә пәшмәргә қисимлириға һуҗум қилди
бөлгүнчи террорлуқ тәшкилати п к к ирақниң духок шәһиридә ирақ курд районлуқ һөкүмитигә тәвә пәшмәргә қисимлириға һуҗум қилди.
түркийә авази радийоси хәвири: пәшмәргә зеревани қоманданлиқ иштаби һәрикәт мәсули майор генерал салар теймур мухбирларға духокниң амиди наһийәсигә қарашлиқ кани маси тармақ районида йүз бәргән п к к һуҗумиға алақидар байанат елан қилди.
майор генерал салар теймур, «бүгүн кәчтә п к к әзалири кани маси райониниң гамнерки теғида пәшмәргә қисимлири җайлашқан орунға һуҗум қилди. һуҗумда ракетамийот вә BKC (аптоматик қорал) ишлитилди» деди.
салар теймур һуҗумниң пәшмәргә қисимлири тәрипидин чекиндүрүлгәнликини, һуҗумда өлүм-йетим вә йарлинишниң көрүлмигәнликини әскәртти.
бөлгүнчи террорлуқ тәшкилати п к к өткән йили (2021-йили) 5- ийундиму духокниң амиди наһийәсидә пәшмәргә қисимлириға тузақ қурған вә һуҗум нәтиҗисидә 5 пәшмәргә әскири қаза қилип, 7 пәшмәргә йариланған иди.