borrél: rusiye xelqarada ashliq yétishmeslikning jawabkari
yawropa ittipaqi tashqi munasiwetler we bixeterlik siyasiti aliy wekili wekili josép borrél xelqara sodida ashliq yétishmeslik mesilisining jawabkarining rusiye ikenlikini bildürdi.
türkiye awazi radiyosi xewiri: yawropa ittipaqi tashqi munasiwetler we bixeterlik siyasiti aliy wekili wekili josép borrél twittérda bayanat élan qilip, yawropa ittipaqining rusiyege qarshi yürgüzüwatqan émbargolirining rusiyening urush iqtidarini ajizlitishni meqset qilidighanliqini, yéza igilik mehsulatlirini öz ichige almaydighanliqini eskertti.
u: «rusiyening ukraina portlirini qorshashni dawamlashturushi, qonaq we bughdaygha oxshash ashliqlarning dunyadiki asasliq ishlepchiqarghuchisi bolghan ukrainada bésilip qélishigha seweb bolidu, shundaqla éksportigha tosqunluq qilidu. rusiye xelqara ashliq sodisidiki yétishmeslikning biwaste jawabkari» dédi.
u rusiyening 24-féwraldin (2022) tartip dawamlishiwatqan tajawuzchiliq urushini axirlashturushning ornigha, jawabkarliqni émbargolargha dönggigenlikini tekitlep, krémilning tetür teshwiqat qiliwatqanliqini bildürdi.
u urush seweb bolghan mesililerning hel qilinishi üchün dunyadiki her qaysi döletler bilen hemkarliq ornitidighanliqlirini qeyt qildi.
