маймун чечики вируси 30 дөләттә 550 кишигә йуққан
дунйа сәһийә тәшкилати йеқинқи һәптиләрдә йавропа иттипақи әзалирини өз ичигә алған нурғун дөләтләрдә тарқиливатқан маймун чечики вирусиниң, 30 дөләттә 550 кишигә йуққанлиқини елан қилди.
түркийә авази радийоси хәвири: дунйа сәһийә тәшкилатиниң директори тедрос адханом ғебрейесус (TedrosAdhanomGhebreyesus) җәнвәдики ишханисида өткүзүлгән мухбирларни күтүвелиш йиғинида, 30 дөләттин дунйа сәһийә тәшкилатиға доклат қилинған маймун чечики вирусиға мунасивәтлик 550 вәқәни тоғрилиғанлиқлирини қәйт қилди.
у: «тәкшүрүшләр давамлишиватиду, әмма вирусниң қисқа вақит ичидә нурғун дөләттә байқилиши, байқалмиған йуқумлардин бешарәт бериду» деди.
у маймун чечики вирусиға мунасивәтлик техиму көп вәқәниң йүз беришиниң пәрәз қилиниватқанлиқини билдүрүп, дунйа сәһийә тәшкилатиға әза дөләтләргә, вирусниң йуқуш хәтири әң йуқири болған гуруппидики кишиләрни тоғра мәлуматқа игә қилишни, уларниң арисида вирус тарқилишиниң алдини елишни, вирусқа қарши алдинқи сәптә күрәш қиливатқан сәһийә хадимлирини қоғдашни вә вирусқа мунасивәтлик тәтқиқатларни чоңқурлаштурушни чақириқ қилди.
