aqsaray: shiwétsiye we finlandiye mesiliside türkiye bilen hemkarlishiwatimiz

türkiye awazi radiyosi xewiri: psaki, aqsarayda  kündilik axbarat wastilirini xewerlendürüsh yighinida, jumhur reis rejep tayyip erdoghanning, finlandiye we shiwétsiyening shimaliy atlantik ehdi teshkilatigha ezaliqigha munasiwetlik bayanati heqqide qilghan sözide, mundaq dédi: «türkiyening bu heqtiki pozitsiyesini aydinglashturushqa tirishiwatimiz. derweqe, natogha eza köpligen döletler, finlandiye we shiwétsiyening shimaliy atlantik ehdi teshkilatigha ezaliqi basquchini qollimaqta. bu heqte türkiye we enqere teyinligen wekiller bilen hemkarlishiwatimiz.»

jumhur reis rejep tayyip erdoghan, tünügün, istanbulda axbarat wasitilirigha, shiwétsiye bilen finlandiyening shimaliy atlantik ehdi teshkilatigha ezaliqi basquchi heqqide élan qilghan bayanatida, mundaq dégenidi: «biz nöwette shiwétsiye we finlandiyediki özgirishlerni közitiwatimiz. emma biz bu heqte ijabiy qarashta emesmiz. ilgiri, bizdin burunqi hökümetler girétsiyening shimaliy atlantik ehdi teshkilatigha ezaliqi mesiliside xata qildi. girétsiyening shimaliy atlantik ehdi teshkilatini destek qilip, türkiyege tutuwatqan pozitsiyeisi silergimu ayan. türkiye bolush süpitimiz bilen, bu jehette ikkinchi qétim xataliq sadir qilishni xalimaymiz. shuni alahide tekitlep ötimenki, skandinawiye döletliri goya térrorluq teshkilatlirining méhmanxanisigha oxshaydu. PKK mu, DHKPC mu ashu döletlerning parlaméntliridinmu orun almaqta, shunga, bizning finlandiyening shimaliy atlantik ehdi teshkilatigha eza bolush basquchigha ijabiy qarishimiz mumkin emes.»