җәнубий корейә шималий корейәниң иғвагәрчиликлиригә қаттиқ инкас қайтуридиғанлиқини билдүрди

түркийә авази радийоси хәвири: йонхап хәвәр агентлиқи,җәнубий корейәниң йеңи дөләт мудапиә министири ли җоңсупниң тунҗи қетимлиқ йуқири дәриҗилик һәрбий әмәлдарлар билән син йиғини өткүзгәнликини хәвәр қилди.

министир ли йиғинда  сөз қилип, шималий корейә «биваситә» иғвагәрчилик қозғиған тәқдирдә, мудапиә тармақлирини «дәрһал вә қаттиқ» җаваб қайтурушни тәләп қилди.

у, шималий корейәниң «тактикилиқ» иғвагәрчиликлиригә күчлүк инкас қайтурулидиғанлиқини тилға алди вә өзиниң америка билән болған һәрбий иттипақлиқни күчәйтишкорр ирадисини ипадилиди.

министир ли йәнә, дост дөләтләр билән болған мудапиә һәмкарлиқини күчәйтидиғанлиқлирини қәйт қилди.

җәнубий корейә дөләт мудапиә министирлиқиниң байанатидиму: «һәр қайси йөнилишләрдин келиш еһтимали болған бихәтәрлик тәһдитлиригә актип тақабил туруш үчүн, қуруқлуқ, деңиз вә һава қатарлиқ барлиқ саһәләрдә күчлүк мудапиә һалитини сақлап қелишимиз шәрт» дегән ибариләргә орун берилди.