ékwador türmiside yüz bergen topilangda 100 din artuq mehbus qéchip ketti
ékwadorda türmide yüz bergen topilang we toqunushta 43 mehbus ölüp, 100 din artuq mehbusning qéchip ketkenliki bildürüldi.
türkiye awazi radiyosi xewiri: tünügün etigen santo domingo dé los tsachilas shehiridiki béllawista türmiside bashlanghan topilang we toqunushta nurghun mehbuslarning türmidin qéchip ketkenliki éniqlandi.
teptish mehkimisi twittér hésabida élan qilghan bayanatida, «hazirgha qeder qaza qilghan 43 mehbus bar, tekshürüshler dawamlashmaqta. qozghilangning axirqi saetlirige yéqin 100 din artuq mehbusning yoqap ketkenliki éniqlandi» dédi.
ichki ishlar ministiri patrisio kastillo bixeterlik qisimlirining tedbirliri netijiside 112 mehbusning qéchishtin tosup qilinghanliqini we qachqanlarni tutush xizmetlirining bashlanghanliqini éytti.
türmidiki topilangning pütünley kontrolluq astigha élinghanliqini tekitligen ministir kastillo, keng kölemlik axturush netijiside, kamirlarda qoral-yaragh we pichaq qatarliq qorallarning qolgha chüshürülgenlikini bildürdi.
ékwadorda 30 ming mehbus séghimchanliqigha ige 65 türmide texminen 39 ming mehbus we jinayetchi bar bolup, türmidiki jinayet shaykiliri arisida yüz bergen weqeler bezide adem ölüsh weqelirini keltürüp chiqiridighan malimanchiliqlargha seweb bolup kelmekte.
ékwadorda ötken yildin buyan reqib qara guruhlar arisidiki zorawanliq weqeliride 400 din artuq mehbus hayatidin ayrilghan idi.
