нигерийәдә икки ай ичидә 46 қораллиқ шайка әзаси қолға чүшүрүлди
ғәрбий африқа дөлити нигерийәниң җәнубида қораллиқ шайкиларға қарши елип бериливатқан һәрбий һәрикәтләр давамида икки ай ичидә 46 киши қолға елинди.
түркийә авази радийоси хәвири: енугу өлкилик сақчи идарисиниң башлиқи лавил әбубәкриниң ейтишичә, март-апрел айлирида енугу өлкисиниң охшимиған җайлирида қораллиқ шайкиларға қарши елип берилған һәрбий һәрикәтләр давамида, 46 қораллиқ шайка әзаси тутулған, нурғун шайка әзаси йарилинип қечип кәткән вә бу шайкиларға тәвә муһим миқдарда оқ-дорилар қолға чүшүрүлгән.
игилинишичә, нигерийәдә, 2008-йили чарвичилар билән деһқанлар оттурисидики тоқунушлар билән башланған мәсилиләр, 2015-йилдин башлап тутқун қилиш вә булаңчилиқ қилиш тәшәббуслириға айлинип кәткән.
өткән йили, бу дөләттики қораллиқ шайкилар оттурисидики тоқунушларда 3188 адәм һайатидин айрилған.
бултур 4-айдин 7-айғичә болған арилиқта елип берилған «Puff Adder» һәрбий һәрикити даирисидә, 2504 қораллиқ шайка әзаси тутулған вә төләм үчүн тутқун қилинған 207 киши қутқузувелинған.
