украинада йеңи дунйаға кәлгән бовақларға танка атарларниң исми қойулушқа башлиған

түркийә авази радийоси хәвири: америка пирезиденти җо байдин украинаға әвәтилидиған җәвелин танка атарлири йасилидиған локид мартин  фабрикасини зийарәт қилип, бу танка атарларниң 24-февралдин (2022) буйан давамлишиватқан украина-русийә урушидики әһмийити үстидә тохталди.

пирезидент җо байдин америка қорал ширкити локид мартинниң алабама иштатиға җайлашқан җәвелин танка атар фабрикасини зийарәт қилди.

у американиң бүгүнгичә украинаға миңларчә танка атар әвәткәнликини, буниңдин кейинму давамлиқ әвәтидиғанлиқини тәкитләп, американиң украинаға қиливатқан мудапиә йардәмлириниң урушта алаһидә рол ойниғанлиқини билдүрди.

у: «украинада йеңи туғулған бовақларға җәвелин вә җавелина дәп исим қойулуватиду» деди.

у русийәниң украинада нурғун уруш җинайәтлирини өткүзгәнликини әскәртип, бүгүнки күндә дунйада диктатор түзүмләр билән демократик түзүмләр оттурисида кәскин урушниң йүз бериватқанлиқини қәйт қилди.

у мундақ деди:

«диктаторларға бүгүн қарши турмисаңлар, тарих бойичә улар һакимийәт бешиға келип, өзини давамлиқ күчләндүриду.»

у локид мартин қорал ширкитиниң хизмәтчилиригә тәшәккүр ейтип: «украинаға урушта ғәлбә қилиши үчүн пурсәт йаритип бериватисләр» деди.