amérikada musulmanlargha ayrimchiliq qilish qilmishliri köpeymekte

türkiye awazi radiyosi xewiri: amérika qoshma ishtatliridiki musulmanlarning heq – hoquqlirini qoghdashni teshebbus qilidighan eng chong ammiwi teshkilat bolghan amérika-islam munasiwetliri kéngishining, 2021 - yilidiki musulmanlar jemiyitining erz-shikayetliri toplanghan dokllatida, 2021 – yili, pikir erkinliki, öchmenlik jinayetliri, fizikiliq hujum we mekteplerdiki ayrimchiliq qilmishlirigha alaqidar  6720 erz-shikayet qilinghanliqi, buning 2020 – yiligha séllishturghanda % 9 köpiyish dégen uqumni bildüriighanliqi qeyt qilindi.

doklatta, ayallarni béshini échishqa zorlash, parakendichilik sélish we buzghunchiliq qilish, fizikiliq hujum  qatarliq öchmenlik we guman bilen qarash qilmishlirining %  28 köpiyip ketkenliki eskertildi.

amérika-islam munasiwetliri kéngishining milliy ishlar diréktori nihad awad, amérika qoshma ishtatlirida sistémiliq rewishtiki islam düshmenlikining jemiyetke dawamliq tehdit séliwatqanliqini tekitlep mundaq dédi: «fédératsiye hökümiti,  özining siyasetliridiki qurulmiliq haldiki musulmanlargha öchmenlik qilishtek tar ramkiliq köz qarishi we musulmanlar jemiyetliri duch kéliwatqan puqralar hoquqi mesilisini hel qilishi kérek. élimizdiki her bir kishi erkin-azade ibadet, xizmet, sayahet qilalishi we mektepke baralishi kérek.»

igilinishiche, amérika qoshma ishtatliridiki 25 ishtatta ish béjirish orni bar bolghan amérika-islam munasiwetliri kéngishi, dölet miqyasidiki musulmanlar jamaiyetlirige qaritilghan ayrimchiliq we islamgha öchmenlik qilish weqelirini közitip, bu heqtiki erz – shikayetlerni delilleydighan we ziyankeshlikke uchrighuchilargha yardem béridighan teshkilat, dep blinidiken.