kanadada tarawih namizidin chiqiwatqan jamaet oqqa tutuldi
kanadaning toronto shehiride, tarawih namizidin chiqiwatqan jamaetke bir aptomobildin qalayqmiqan oq chiqirildi we 5 kishi yarilandi.
türkiye awazi radiyosi xewiri: toronto saqchi bayanatchisi dawid ridzik weqening skarborodiki ebubekri-siddiq jameside yüz bergenlikini bildürdi.
dawid ridzik shenbe küni shu yerning waqti saet 01.00 etrapida tarawih namizidin chiqiwatqan jamaetke yoldin ötüp kétiwatqan aptomobildiki kishi yaki kishilerning uq chiqarghanliqini we hujumda 5 kishining yarilanghanliqini bildürüp, yarilanghanlarning birer düshmenlikke seweb bolidighan ishqa arlashqanliqini bildüridighan héchqandaq uchur yoqliqini éytti.
dawid ridzik yaridarlarning hayatigha xewp yétidighan derijide éghir emeslikini, üch nepirining balnésttin chiqqanliqi we ikkisining dawalinishi dawamlishiwatqanliqini uqturdi.
weqe yüz bergen ebubekri-siddiq jamesige qarashliq skarboro musulmanlar jemiyiti ijraiye heyiti ezasi nadim sheyx bu heqte toxtilip, «men heqiqeten qayghurdum we ensirimektimen. bügün etigende 5 qérindishimiz qoralliq hujumgha uchridi, biz hujum qilghuchilarning baldurraq tutulup, sotqa tartilishini ümid qilimiz» dédi.
