يەمەن ئارمىيەسى: ھۇسىيلار ئۇرۇش توختىتىش كېلىشىمىگە خىلاپلىق قىلدى

تۈركىيە ئاۋازى رادىيوسى خەۋىرى: يەمەن ئارمىيەسى ئۇچۇر - ئالاقە ئىشلىرى مەركىزىنىڭ يازما باياناتىدا بىلدۈرۈلۈشىچە، ھۇسىيلار، ئۇرۇش توختىتىش كېلىشىمى ھاسىل قىلىنىپ 6 – كۈنىگە قەدەم قويغاندا، تائىز، ھاججە، ھۇدەيدە، مەغرىب، جەۋف ۋە دالى ئالدىنقى سەپلىرىدە ئۇرۇش توختىتىش كېلىشىمىگە خىلاپلىق قىلغان. جۈملىدىن، مەزكۇر ناھىيەلەردە، 8 – ئاپرېل كۈنى، يەمەن ئارمىيەسىگە ئائىت نۇقتىلارغا قۇرۇقلۇقتىن ئېغىر تىپلىق قورال – ياراغلار ياكى توپلار بىلەن ھۇجۇم قىلىش، خەندەك قېزىش، ئالدىنقى سەپلەرگە ئادەم ۋە قورال – ياراغ يۆتكەش تەرىقىسىدە ئۇدا 108 قېتىم كېلىشىمگە خىلاپلىق قىلغان.