зелениски русийә билән сөһбәт өткүзүш үчүн даимий һәйәт тәшкиллиди

түркийә авази радийоси хәвири: украина пирезидент мәһкимисиниң билдүрүшичә, зелениски қарарнамә имзалап, украинаниң бихәтәрликини капаләт астиға елиш мәқситидә келишим лайиһәси тәййарлиниши вә мақуллиниши мәсилисидә русийә билән өткүзүлидиған сөһбәткә қатнишиши үчүн бир һәйәт тәшкиллигән. һакимийәт бешидики хәлниң хиизмәткари партийәси парламент әзаси давид аракхамйа  рийасәтчилик қилидиған һәйәттин, әдлийә министири денис малуска, пирезидент мәһкимиси ишханисиниң мәслиһәтчиси михайил подолйак, дөләт мудапиә министири алексей резников, украина муавин ташқи ишлар министири микола точитскийдин сирт йәнә, парламент әзалири андрей костин, димитрий лубинетс вә рустәм умәров қатарлиқлар орун алидикән.

қануншунас александир малиновиский вә дипломат александир чали, һәйәт мутәхәссислири сүпитидә вәзипигә тәйинләнгән.

украина сөһбәт вәкили аракхамйа, алдинқи қетимлиқ истанбулда өткүзүлгән сөһбәт йиғинидин кейин, түркийә қатарлиқ 8 дөләтни капаләтчи дөләт сүпитидә көрүшни халайдиғанлиқлирини ейтқаниди.

русийә армийәси, 24 – феврал күни украинаға һәрбий һәрикәт қозғиғаниди.