америка түркийәниң дипломатик тиришчанлиқини қарши алидиғанлиқини билдүрди

түркийә авази радийоси хәвири: нед прайс күндилик мухбирларни күтүвелиш йиғинида, американиң, русийәниң күнсери күчийиватқан һуҗумлирини қаттиқ әйибләйдиғанлиқини, пуқралар сепидики барғансери көпийиватқан өлүш - йарилиниш ишлириниң җавабкариниң москва икәнликини ейтти.

у, русийәниң химийәлик қорал мәсилисидә америка билән украинани әйибләш арқилиқ өзигә шараит һазирлаватқанлиқини вә өзлириниң «бу ойунни илгириму көргән»ликини әскәртти.

америка байанатчиси прайс, буниңдин кейинки русийә билән болидиған дипломатик мунасивәтниң давамлишиш йаки давамлашмаслиқиниң москваниң мәйданиға биваситә бағлиқ икәнликигә؛ түркийә, фирансийә вә исраилийә қатарлиқ йеқин шерикләрниң бу дипломатик хизмәтләрни давамлаштуруватқанлиқиға ишарәт қилип өтти.

нед прайс, шималий атлантик әһди тәшкилати – натониң бир әзаси сүпитидә иттипақ билән бирликтә һәрикәт қиливатқан әнқәрәниң, охшаш вақитта москва вә кийев билән болған сөһбәтни сақлап қелиши вә күчлүк дипломатик қәдәмләрни ташлишиниң немидин дерәк беридиғанлиқи тоғрисидики бир соалға җава берип: «биз бу тәшәббусларни қарши алимиз. түрк иттипақдашлиримиз бу җәрйанда америка билән толуқ маслашти вә мәслиһәтләшти. пирезидент (җо) байдин (русийә билән украинаниң) анталйа учришишидин кейин җумһур рәис рәҗәп таййип әрдоған билән сөзлишиш пурситигә еришти. министир (антоний) блинкенму вә министир (мәвлүт) чавушоғлу билән көрүшти. биз мас қәдәмдә елип берилған бу учришишлардин хушалмиз» деди.