русийәниң башқурулидиған бомба һуҗумида, украинаниң нурғун әскәр-пуқралири җенидин айрилди
русийәдин украинаниң суми иштати охтийрка шәһиридики һәрбий базиға етилған башқурулидиған бомба һуҗумида, 70 әскәрниң җенидин айрилғанлиқи билдүрүлди.
түркийә авази радийоси хәвири: украина суми иштатиниң валийси дмийтро җивийтски телеграмда байанат елан қилип, охтийрка шәһиридики һәрбий базиниң русийәниң башқурулидиған бомба һуҗумиға учриғанлиқини вә 70 әскәрниң җенидин айрилғанлиқини билдүрди.
у издәш-қутқузуш хадимлири вә пидаийларниң харабилиқ астида қалғанларни қутқузушқа тиришиватқанлиқини қәйт қилди.
у шәһәрдә русийә әскәрлириниң нурғун җәсәтлириниң тепилғанлиқини әскәртип, бу җәсәтләрни топлап, хәлқара қизил кирест тәшкилатиға тапшуруп бәргәнликлирини билдүрди.
русийәниң украинаға қиливатқан һуҗумлири давамлишиватқан бир пәйттә, кийевдики арқа сәп искилатиға башқурулидиған бомба чүшүши сәвәбидин 28 киши җенидин айрилди.
украина пирезиденти владимир зеленский русийә қисимлириниң изчил һалда арқа сәп искилатлирини бомбардиман қиливатқанлиқини вә еғир зийанларниң көрүлгәнликини елан қилған иди.
йәнә бир тәрәптин, украинаниң вашингтондики баш әлчиси оксана маркарова русийәниң җәнвә келишимидә чәкләнгән вакум бомбилирини етиватқанлиқини елан қилди.
ақсарай байанатчиси псаки күндилик ахбарат елан қилиш йиғинида: «бу хәвәрни көрдуқ, әмма дәлиллийәлмидуқ. әгәр тоғра болса, уруш җинайити болиду» деди.
