хамәней украинаниң американиң қурбани болуп кәткәнликини илгири сүрди
иран диний рәһбири айәтуллаһ әли хамәней, украинадики урушни американиң киризис пәйда қилғучи сийаситиниң пәйда қилғанлиқини илгири сүрди.
түркийә авази радийоси хәвири: хамәней иран дөләт телевизийәси биваситә тарқатқан сөзи әснасида украинадики уруш һәққидиму тохталди؛ америка қошма иштатлирини «мафийә (қара гуруһ) түзүми) дәп атиған хамәней: «бу мафийә түзүми дунйаниң киризисқа дуч келишигә моһтаҗ. шуңлашқа, дунйаниң һәрқайси җайлирида кризис пәйда қилиду. украина американиң кризис пәйда қилиш сийасәтлириниң қурбаниға айлинип кәтти. биз украинадики урушниң ахирлишиши тәрәпдаримиз. әмма, һәр қандақ киризисниң даваси униң келип чиқиш мәнбәсини ениқлаштин башлиниду. украинадики киризисниң йилтизи америка» деди.
у русийәниң украинадики һуҗумлири һәқидә тохтилип: «биз кишиләрниң қәтл қилиниши вә милләтләрниң ул әслиһәлириниң вәйран қилинишини қоллимаймиз, бу бизниң қәтий байанатимиздур... америка вә йавропаға ишәнгән һөкүмәтләр бу қоллашниң бир алвун икәнликини, һәқиқәт әмәсликини билиши керәк» дегәнләрни сөзлиригә илавә қилди.
