krémil gherbning émbargolirigha jawab bérilidighanliqini élan qildi
krémil sariyi bayanatchisi dmitriy péskow rusiyening gherbning émbargolirigha qarshi dölet menpeetige uyghun halda jawab béridighanliqini éytti.
türkiye awazi radiyosi xewiri: rusiye krémil sariyi bayanatchisi péskow axbarat élan qilish yighinida, gherb döletlirining émbargolirigha qarshi élinidighan tedbirler toghrisida bayanat élan qildi.
u: «gherb döletlirining émbargolirigha bérilidighan jawablar, dölet menpeetimizni asas qilip, uyghun halda jawab bérilidu» dédi.
u rusiye pirézidénti wladimir putinning özige qarshi yürgüzülgen émbargolargha perwa qilmaydighanliqini eskertti.
u putinning bügün (2022-yili 28-féwral) rusiyening iqtisadiy weziyiti muhakime qilnidighan bir yighingha riyasetchilik qildighanliqini bildürdi.
u putinning chet elde mal-mülkining yoqluqini, émbargolarda bezi mal-mülüklerge munasiwetlik uyghun bolmighan maddilarning barliqini qeyt qildi.
u putinning her yili mal-mülkini élan qildighanliqini, uningdin bashqa mal-mülkining yoqluqini hemme kishining bilidighanliqini eskertti.