зеленский украинани қоғдашта йалғуз қалғанлиқлирини ейтти
украина пирезиденти владимир зеленский: «дөлитимизни йалғуз қоғдаватимиз. дунйадики әң қудрәтлик дөләтләр йирақтин қарап туруватиду» деди.
түркийә авази радийоси хәвири: украина пирезиденти владимир зеленский хәлққә елан қилған синлиқ хитабнамәсидә, русийә күчлирниң пуқра, әскәр демәстин һуҗум қиливатқанлиқини, русийә айропиланлириниң кийевда аһалиләр районини һуҗум нишани қиливатқанлиқини билдүрди.
у: «дөлитимизни йалғуз қоғдаватимиз. дунйадики әң қудрәтлик дөләтләр йирақтин қарап туруватиду. түнүгүн (24-феврал) елан қилинған ембарголар русийәни тохтиталидиму? йетәрлик болмиғанлиқини асминимизда вә йәрләрдә көрүватимиз» деди.
у русийәниң әң ахирида уруш вә һуҗумни тохтитиш үчүн украина билән көрүшидиғанлиқини алаһидә әскәртип, қанчилик балдур көрүшсә, русийәниңму аз зийан тартидиғанлиқини тәкитлиди.
у түнүгүн русийәгә қарши намайиш қилған русларға қаритип: «силәрни көрүватимиз. бу, силәр бизни көрдүңлар дегәнлик. бу, бизгә ишинишкә башлидиңлар дегәнлик. биз үчүн күрәш қилиңлар, урушқа қарши күрәш қилиңлар» деди.
у дөләт миқйасида сәпәрвәрлик елан қилинған қарарнамәни имзалиди.
қарарнамә бойичә, сәпәрвәрлик 90 күн давамлишиду. украина армийә қоманданлиқ иштаби сәпәрвәрлик рамкисида, қанчә кишиниң армийәгә чақирилидиғанлиқини бәлгиләйду.
русийә түнүгүн (2022-йили 24феврал) украинаға һуҗум қилишни башлиған иди.