ши җинпиң дөләтләрниң бихәтәрлик әндишәлиригә һөрмәт қилишни тәкитлиди

түркийә авази радийоси хәвири: хитай ташқи ишлар министирлиқиниң байанатида билдүрүлишичә, ши җинпиң русийә пирезиденти владимир путин билән телефонда көрүшкән болуп, көрүшүштә, украина мәсилиси бойичә өзар пикир алмаштурулған. ши җинпиң русийә билән украинани мәсилиләрни музакирә йоли билән һәл қилшқа чақирған.

путин шиға украина мәсилисиниң тарихий тәрәплирини вә русийәниң һәрбий һәрикитини вә районниң нөвәттики вәзийити тоғрисида мәлумат бәргән.

у америка билән натониң узун вақиттин бери русийәниң нормал бихәтәрлик қайғулирини көрмәскә салғанлиқини, вәдилиридә турмиғанлиқини вә шәрққә кеңийишни давамлаштуруп русийәниң истратегийәлик қизил сизиқлириға тәһдит салғанлиқини билдүргән.

ши җинпиң болса, соғуқ уруш идийәсидин ваз кечилиши лазимлиқини, барлиқ дөләтләрниң бихәтәрлик әндишәлиригә һөрмәт қилинидиған, тәңпуң, тәсири күчлүк вә давамлаштурғили болидиған йавропа хәвпсизлик механизмни музакирә йоли шәкилләндүрүш керәкликини тәкитлиди.

у б д т шәртнамилириниң мәқсәт вә пиринсиплириға бойсунуш, барлиқ игилик һоқуқлуқ дөләтләрниң земин пүтүнлүкигә һөрмәт қилиш мәсилилиридә, хитайниң мәйданиниң изчил икәнликидин бешарәт берип: «хитай ортақ, һәммини өз ичигә алидиған вә давамлаштурғили болидиған хәвпсизлик уқумини қоғдашни вә мәкәздә б д т болған хәлқаралиқ түзүмгә һәмдә хәлқаралиқ қанунға тайанған хәлқаралиқ тәртипни капаләткә игә қилиш үчүн, хәлқаралиқ җәмийәтниң барлиқ`тәрәплири билән бирликтә тиришчанлиқ көрситишкә тәййар» деди.