rusiye parlaménti chet elge esker ewetishni testiqlidi
rusiye parlaméntining yuqiri qaniti bolghan fédératsiye kéngishi pirézidént wladimir putinning sunghan armiyening rusiye zémini sirtida wezipe ötishi heqqidiki iltimasini testiqlidi.
türkiye awazi radiyosi xewiri: fédératsiye kéngishi putinning sunghan rusiye eskerlirining chet elde wezipe ötishige ruxset qilinishi telep qilinghan iltimasini muzakire qildi we 153 ezaning qollishi bilen testiqlidi.
qararda: «fédératsiye kéngishi rusiye armiyesining rusiye zémini sirtida wezipe ötishi üchün xelqaraliq qanun étirap qilghan pirinsip we qaideliri asasida, pirézidéntqa testiq bérishni qarar qildi» déyildi.
qararda yene, rusiye armiyesini teshkillesh, jemiy esker sani, heriket saheliri, wezipiliri, rusiye fédératsiyesi zémini sirtida turush waqti qatarliqlarning asasiy qanungha asasen pirézidént teripidin belgilinidighanliqi qeyt qilindi.
wladimir putin tünügün (21-féwral) ukrainaning sherqidiki rusiyeperestlerning namdiki hökümetlirini étirap qilish qararnamesini imzalap, armiyege donétsk we luxansk xelq jumhuriyetliride tinchliqni qoghdash permanini chüshürgen idi.
