непалда американиң йардәм тәклипигә қарши намайишлар давамлашмақта
непал парламентида америка тәклип қилған 500 милйон долларлиқ йардәм пилани музакирә қилиниватқан бир пәйттә, пайтәхт катмандуда намайиш өткүзүлди.
түркийә авази радийоси хәвири: непалда һөкүмәт американиң талаш – тартишлиқ йардәм тәклипини парламентниң тәстиқиға сунди. нурғун парламент әзалири бу тәклипкә қарши шоар товлиди.
сақчилар парламент алдида йиғилған йүзлигән намайишчиларға йаш аққузуш бомбиси вә йуқири бесимлиқ су билән мудахилә қилди. вәқәдә нурғун намайишчи вә сақчи йариланди.
катмандуда 16-февралдиму американиң йардәм бериш тәклипигә қарши мушуниңға охшаш намайишлар өткүзүлгән иди.
непал коммунестик партийәси «қанунға вә игилик һоқуққа дәхли-тәруз қилиши мумкин» дегән баһанә билән американиң йардәм бериш тәклипигә қарши туруп кәлмәктә.
тәклипниң парламентта музакирә қилиниши өктичи партийәләрниң наразилиқи сәвәбидин кечиктүрүлгән иди.
американиң йардәм тәклипиниң енергийә йәткүзүшкә қулайлиқ йаритидиған ул әслиһә лайиһәлири үчүн икәнлики билдүрүлмәктә.
