putinning makronni qarshi élish shekli qiziq témigha aylandi
firansiye pirézidénti makronning ukraina kirizisini muzakire qilish üchün yétip barghan rusiyede, pirézidént putin teripidin nahayiti uzun üstelning bir uchida qarshi élinishi, firansiye taratqulirida keng xewer qilindi.
türkiye awazi radiyosi xewiri: yawropa ittipaqining nöwetchi reisi bolush süpiti bilen moskwani ziyaret qilghan makron, putin bilen krémil sariyida ukraina kirizisini ayrim muzakire qildi.
putinning ilgiriki uchrishishlarning del eksiche makronni nahayiti uzun üstelning bir uchida qarshi élishi we uning bilen yéqinlashmasliqi, firansiye metbuatliri shundaqla her qaysi ijtimaiy taratqularda asasliq qiziq témigha aylandi.
ikki rehberning ijtimaiy musapisi «wuxen wirusi(Kovid-19) sewebidin murasimlargha tesir körsitishimu, yaki firansiye-rusiye munasiwetlirining eks étishimu? » dep soal soraldi.
ikki rehberning otturisidiki musapige munasiwetlik taratqulardiki körünüshlerge, firansuz twittér abontliri teripidin «putinning makronni qizghin qarshi élishi», «ijtimaiy musape», «kechlik tamaq ziyapitini bashlisa bolidu», «waqit perqi» dégendek serlewhiler bilen inkas qayturuldi.
firansiye «Cnews» qanili bu körüshüshni «makron-wladimir putin körüshüshi: yéqinlishishning chong üstili» serlewhiside xewer qildi.
«Huffpost» géziti bolsa, «makron bilen putinning körüshüshige qoyulghan üstel, bir qétim aylinip körüshke erziydu» serlewhiside xewer qildi.
firansiye öktichiliri makronning mesxire qilinghanliqini ilgiri sürgen bolsa, hökümetke yéqin terepler, putinning wéngiriye bash ministiri wiktor orban bilenmu oxshash shekilde körüshkenlikini xatiriletti.
axbarat élan qilish yighinidin kéyin, putinning makronni arqida qaldurup zaldin ayrilishimu, taratqularda yene bir qiziq téma bolup qaldi.
