тайландта деңизға хам нефит еқип кетип, җиддий һаләт елан қилинди

түркийә авази радийоси хәвири: тайланд қолтуқида «йултуз нефит пишшиқлап ишләш аммиви ширкити» ниң деңиз бойидики ләңгәр понкитида май қачилашқа ишлитилидиған су асти туруббидин 20-50 тонна әтрапида нефит еқип кәткәнлики тәхмин қилинмақта.

ширкәт тиришчанлиқ көрсәткән болсиму, банкокниң шәрқий җәнубидики райуң өлкисигә қарашлиқ майе рамхуәң деңиз саһилиға еқип беришиниң алдини алалмиғанлиқини билдүрди.

еқип кәткән хам нефит дөләтниң шәрқидики деңиз саһилиға йетип кәлгәндин кейин, райоң өлкисидә җиддий һаләт елан қилинди.

райоң валийси чанна имсаң байанатида, «апәт райони» елан қилинған деңиз саһилиниң су үзүш вә сода паалийәтлири үчүн тақалғанлиқини җакарлиди.

айропиланлар нефитни тарқитиш үчүн химийәлик маддиларни чачти. нефитниң су йүзидин сийрилиши вә тазилиниши үчүн ләйлимә тосақлар орунлаштурулди.

200 нәпәр деңиз армийәси хадими билән нефит ширкитиниң 150 хадими  деңиз йүзидики нефитни тазилаш үчүн тиришмақта.