israiliye qar topi tashlighanliqi seweblik pelestinliklerni tutqun qildi

türkiye awazi radiyosi xewiri: israiliyening «‹Yedioth Ahranot› géziti» ning xewer qilishiche, yéqinqi 24 saet ichide, sherqiy quddusning oxshimighan jaylirida yüz bergen weqelerde, israiliye dölet xewpsizlik küchliri teripidin tutqun qilinghan pelestinliklerning sani 24 ke yetken.

xewerde déyilishiche, israiliye saqchiliri, ishghal astidiki sherqiy quddusta «saqchi mashinisigha qar topi étish» jinayiti bilen eyiblep, 2 balinini öz ichige alghan 3 pelestinlikni tutqun qilghan.

igilinishiche, iyordan deryasining gherbiy qirghiqi we sherqiy quddusta  ayallar we balilarni öz ichige alghan bir qisim pelestinliklerni tutqun qilish adetke aylanghan bolup, tutqun qilinghan bezi pelestinlikler,  künlerche nazaret astigha élish merkezliride tutulidiken.