дунйа бойичә йеши әң чоң әр вапат болди

түркийә авази радийоси хәвири: испанийә хәвәр агентлиқи «EFE» ниң хәвиридә, түнүгүн өйидә қаза қилған сатурнино де ла фуертениң әгәр йашиған болса, 12-февралда 113 йашқа киридиғанлиқи билдүрүлди.

хәвәрдә де ла фуертениң 10-сентәбирдә 112 йаш вә 211 күнлүк өмүр көрүш билән җиннес дунйа рекортлири китабиға «дунйадики йеши әң чоң адәм» сүпитидә киргүзүлгәнлики әскәртилди.

де ла фуерте испанийәдә 13 - падишаһ алфонсо (1886-1941) дәвридә туғулған, 1918-йилдики испанийә зукими, 1923-йилдики примо де ривира диктатурлуқи дәври, иккинчи җумһурийәт (1931-1939)  дәври, ички уруш (1936-1939) вә диктатур фиранко дәврлиридә (1975-1939) йашиған болуп, леон шәһиридә ковид -19 ваксинаси әмләнгән тунҗи киши болған иди.

8 балиси, 14 нәвриси вә нәврилириниң 22 балиси болған де ла фуертениң дәпнә мурасиминиң бүгүн өткүзүлидиғанлиқи елан қилинди.