донбаста бир украина әскири җенидин айрилди
украинаниң шәрқидики донбас районида түнүгүн (2021-йили 16-декабир) русийәпәрәс бөлгүнчиләрниң оқ чиқириши нәтиҗисидә, бир украина әскири җенидин айрилди, бир әскәр йариланди.
түркийә авази радийоси хәвири: украина армийәси түнүгүн бөлгүнчиләрниң бәш қетим уруш тохтитишқа хилаплиқ қилғанлиқи тоғрисида байанат елан қилди.
байанатта, бөлгүнчиләрниң оқ чиқириши нәтиҗисидә, бир әскәрниң җенидин айрилип, бир әскәрниң йариланғанлиқи қәйт қилинди.
украина пайтәхти кийевдә 2013-йили 21-нойабир әйни вақиттики пирезидент виктор йануковичниң йавропа иттипақи шериклик келишимини имзалимаслиқи сәвәбидин намайишлар партлиған иди.
сабиқ пирезидент йанукович намайишларниң зорийиши сәвәбидин 2014-йили февралда украинадин қечип кәткән иди. буниң билән, донбас райониниң донетск вә луганск шәһәрлиридики русийәпәрәсләр намда мустәқиллиқини елан қилған иди.
бөлгүнчиләр билән кийев һөкүмити оттурисида 2014 –йилдин тартип давамлишиватқан тоқунушларда 13 миңдин артуқ адәм җенидин айрилди.
