нато баш катипи столтенберг норвегийә мәркизий банкиси башлиқиға намзат болди
шималий атлантик әһди тәшкилати — нато баш катипи йенс столтенберг, натодики вәзиписи ахирлашқандин кейин дөлити – норвегийәниң мәркизий банкиси башлиқи болуш үчүн илтимас сунди.
түркийә авази радийоси хәвири: норвегийә хәвәр агентлиқи — NTB, норвеийә малийә министирлиқиниң мәркизий банка башлиқлиқи үчүн илтимас сунған 22 кишиниң тизимликини елан қилғанлиқини؛ тизимликтә буниңдин илгири сәккиз йилдин артуқ норвегийә баш министири, төт йил норвегийә малийә министири болған, қошумчә әмгәкчиләр партийәсиниң башлиқлиқ вәзиписини өтигән йенс столтенбергниң исминиңму 22 кишилик мәзкур тизимликтә барлиқини хәвәр қилди.
NTB ниң соаллириға җаваб бәргән столтенберг, мәркизий банка башлиқлиқиға намзат болғанлиқи тоғрисидики хәвәрләрни җәзмләштүрди.
арқа – арқидин икки басқуч нато баш катипи болуп вәзипә өтигән йенс столтенбергниң вәзипә өтәш муддити 2022 – йили 10 - өктәбирдә ахирлишиду. йеңи баш катипниң ийул ейида испанийәдә чақирилидиған нато башлиқлар йиғинида муәййәнлишиши күтүлмәктә.
