awstiraliye bilen jenubiy koréye mudapie kélishimi imzalidi
awstiraliye bilen jenubiy koréyening texminen 720 milyon dollarliq (1 milyard awstiraliye dolliri) mudapie kélishimi imzalighanliqi élan qilindi.
türkiye awazi radiyosi xewiri: jenubiy koréye pirézidénti mun jyaén awstiraliye paytexti kanbérrada resmiy dölet ishliri ziyaritide boldi.
awstiraliye bash ministiri skot morison (Scott Morrison) axbarat élan qilish yighinida, mun jya én bilen körüshkendin kéyin, texminen 720 milyon dollarliq mudapie kélishimi imzalighanliqlirini élan qildi.
awstiraliye bash ministiri skot morison kélishim ramkisida, wiktoriya ishtatining gélong rayonida bironéwik aptomobil yasash merkizi qurulidighanliqini bildürdi.
u motorluq dala zembirekliri, oq- dora teminlesh aptomobilliri we radar ishlepchiqirilidighan zawutlarning awstiraliye mudapie sanaitining muhim bir qismini teshkil qilidighanliqini bayan qildi.
kélishimge, «awstiraliyening hindi-tinch okyandiki ot küchi we bixeterlikini qollash» dep éniqlima bergen awstiraliye dölet mudapie ministiri pétér dutton: «bu kélishim awstraliye armiyesini zamaniwilashturidighan we uning hazirqi we kelgüsidiki iqtidar ewzellikini dawamliq saqlishigha kapaletlik qilidighan bir qanche layihelerning biri. biz téz özgiriwatqan dunya muhitida menpeetlirimizni qoghdash bilen bir waqitta, rayonimizning bixeterlikini qetiy qoghdaymiz» dédi.
jenubiy koréye mudapie shirkiti Hanwha teripidin yasilidighan eslihelerning qurulushi kéler yili bashlinidiken.
