yemende mal bahasining ösüp kétishige qarshi namayish ötküzüldi
yemen hökümiti birleshken döletler teshkilati xewpsizlik kéngishining daimiy ezaliridin döletning iqtisadiy krizisigha taqabil turush üchün yardem telep qildi.
türkiye awazi radiyosi xewiri: yemen resmiy xewer agéntliqi «SABA» ning xewer qilishiche, tashqi ishlar ministiri ehmed bin mubarek b d t xewpsizlik kéngishige daimiy eza 5 döletning yemende turushluq bash elchiliri bilen körüshken.
uchrishishta ehmed bin mubarek yemen riyalining qimmitining chüshüp kétishining dölettiki insanperwerlik weziyitini yamanlashturuwetkenlikini bildürüp, hökümetning iqtisadiy krizisqa taqabil turushta duch kelgen qiyinchiliqlirini yetküzgen.
ehmed bin mubarek hökümetni iqtisadiy jehettin qollash we yemen riyalining chetel piruwitliri aldidiki qimmitini yuqutishini toxtitish üchün merkiziy bankigha zörür bolghan yardemlerni qilishning muhimliqini tekitligen.
yene bir tereptin, yemenning jenubidiki lahij wilayitide yüzligen kishi turmushning qimmetliki we yemen riyalning qimmitining chüshüshige qarshi narazliq namayishi ötküzdi.
yemenlik paaliyetchilerning chaqiriqi bilen lahijqa qarashliq el-habilin shehiride ötküzülgen namayishta, mal bahasining heddidin ziyade ösüshige qarshi naraziliqlar ipadilengen pilakatlar échildi.
