taliban kabulda pasport tarqitishni toxtatti

türkiye awazi radiyosi xewiri: pasport bash idarisining mudiri alemgül heqqani axbarat élan qilip, téxnikiliq mesililer tüpeylidin pasport tarqitishning toxtitilghanliqini bildürdi.

u mesililerning hel qilinishi bilen, pasport tarqitish ishlirining qaytidin bashlinidighanliqini, kabuldiki idarening yéngi üsküniler bilen teminlinidighanliqini eskertti.

u pasport tarqitishning peqet kabuldila toxtitilghanliqini we bashqa alte wilayette pasport tarqitishning dawamlishidighanliqini qeyt qildi.

u bir künde texminen 20 ming kishining pasportqa iltimas qilidighanliqini bildürüp: «emma biz, 3000 kishige pasport tarqitalaymiz» dédi.

taliban hökümiti peqet torda tizimlatqan kishiler we afghanistanda dawalinalmighan bimarlargha pasport tarqitip bergen idi.

talibanlar afghanistangha hökümranliq qilishidin kéyin, uzun muddet taqilip qalghan pasport bash idarisi 7-öktebir échilghan idi.