боррел беларусийә-полша чеграсидики кишиләргә йардәм қилишқа рухсәт қилинишни тәләп қилди

түркийә авази радийоси хәвири: йавропа иттипақи ташқи сийасәт вә хәвпсизлик сийасәтлири алий вәкили җосеп боррел (JosepBorrell) твиттерда беларусийә ташқи ишлар министири владимир макей (Vladimir Makey) билән көрүшкәнликини елан қилди.

у көрүшүштә, беларусийә-полша чеграсидики муһим мәсилә болған инсани вәзийәтниң күнтәртипкә кәлгәнликини әскәртип: «кишиләрниң һайати қоғдилиши керәк вә инсанпәрвәрлик йардәм тәшкилатлириниң районға беришиға рухсәт қилиниши керәк» деди.

у чеградики мәвҗут вәзийәтни қобул қилғили болмайдиғанлиқини, кишиләрни қорал орнида пайдиланмаслиқ керәкликини билдүрди.

йеқинқи һәптиләрдә, ирақ, сүрийә, афғанистан қатарлиқ дөләтләрдин районға барған миңларчә кишиниң беларусийәдин полшани асас қилған йавропа иттипақиға әза қошна дөләтләргә киришкә урунуши, йавропа иттипақи билән беларусийә оттурисидики киризисқа сәвәб болған иди.

йавропа иттипақи беларусийәни бу кишиләрни йавропа иттипақини муқимсизлаштуруш үчүн вастә қилип пайдилиниш билән әйиблимәктә. беларусийә болса, бу әйибләшләрни рәт қилмақта.